HeSheEat (銅鑼灣地帶)

营业中

休息中

平常系旺角店食过好多次佢既甜品，今日有机会系铜锣湾食晚餐发现佢都有唔少咸食就上黎睇一睇啦！两个人叫既份量唔算太多，但都有前菜、小食、主食同甜品！一开始叫既系蕃茄蟹肉牛油果沙律，一个好似蟹糕一样既设计分左四层由牛油果酱、蟹肉、蕃茄同黑鱼子组成！蟹肉好多，成个酱佩多士有一份鲜味，旁边既黑醋除左点缀外观亦点缀左个味道👍🏻之后系小食炸鸡翼，开头谂住要点酱先有韩式风味但原来本身上面都有韩式辣粉，一食真系有韩风，加上鸡翼炸得刚刚好，入面仲好juicy，加上size好大只非常欣赏。接著落黎到主食，开头见佢有春鸡又有意大利饭，所以一时贪心叫左佢，黎到水准比想像中好，因为春鸡上面既调味料沾染系意大利饭到都冇影响佢既味道，春鸡都好入味！最后系士多啤梨蓝莓窝夫，我相信大家对Hesheeat既甜品都好熟悉，窝夫的确好好食，佢唔会太厚同时又有一个厚度比你感觉到中间松软既口感。另外我地叫左一个伯爵茶，因为佢系一整个茶壶上，系甜品既时候佩搭好舒服而本身佢茶味都好香同味道易入口。总结出人意表系呢到食到一个满足既晚餐，沙律同鸡翼水准都好高，可以一次过由前菜食到甜品好有完整性。