賓墟冰室

营业中

休息中

平时去完迪士尼玩，我哋都会出青衣食晚饭，次次都系青衣地食，好多次经过「宾墟」都话食，今次终于去食啦！老实讲，佢个门口都几吸引，最重要系佢个名吸引！我哋叫咗「椒盐茄子鲜鱿」，新鲜热辣上枱，不过热辣辣食，我被𠮶啲沾满椒盐粉嘅炸蒜辣亲，直攻上鼻，人都癫！不过放凉少少又ok㖞！不过呢个配搭都好食！我至爱椒盐鲜鱿。必些呢个「萝卜牛腩煲」啲白萝卜劲入味，啲牛腩牛筋都好淋，成味𩠌用嚟送饭一流呀！其实佢哋做紧优惠，叫一个小菜，第二个系计半价，不过我哋食唔到太多，就叫咗3个，虽然唔抵，但都唔想浪费食物！呢个「梅菜蒸肉饼」，清清地，送饭都食唔停口，小朋友至爱。最后，原来带小朋友嚟食饭，埋单会送金币比你，可以用啲金币去佢哋嘅夹公仔机玩，我哋好成功咁夹咗3只熊仔锁匙扣，小朋友最开心。