影片
更多
2017-03-14
2438 浏览
返黎香港后一直心思思想食自助餐！咁啱！！帝苑竟然做紧六折优惠当然唔洗犹豫啦！6点半左右到餐厅，因为唔算多客加上系星期一的关系所以唔需要等候就可以入席啦！由于之前冇黎过食，第一印象系觉得环境/气氛都唔错,几有FEEL!放低左啲野之后梗系即刻拎野食!!平时食自助餐第一件事就系睇佢有冇羊架同牛扒！！帝苑的肉眼扒食落唔算劲韧，因为唔算整得太过熟，应该系五六成熟左右既程度。所以算易入口，唔会有太多血水令人却步，应该系大部分人都可以接受的程度黎！另外有三种酱汁配搭，烧汁/黑椒汁/芥辣，都系啲大路既酱汁！羊架！！！！挂住食唔记得影！一啲都唔膻，而且个人比较钟意食带有小小肥肉的羊架，当晚见到既羊架都好肥美！！而且好入味，或者系焖煮的方法较好所以唔觉得好膻！食完两样必食item后，就试左帝苑的烧味档！其实种类都算广泛，由中到西再到日式泰式都有！而且烧味种类都唔少！基本既叉烧，烧鹅，烧鸡，烧肉。再黎连卤味都有提供！！猪大肠，猪耳红肠等等！听朋友讲，帝苑的海南鸡饭好出名，咁梗系要试！嗯，唔知当晚系咪有少少失水准，虽然鸡肉都算系嫩滑，但系冇咩味，饭亦唔算太香，冇咩想再食的冲动。食晒呢啲野我先发现头盘的海鲜类，
6点半左右到餐厅，因为唔算多客加上系星期一的关系所以唔需要等候就可以入席啦！
由于之前冇黎过食，第一印象系觉得环境/气氛都唔错,几有FEEL!
放低左啲野之后梗系即刻拎野食!!
平时食自助餐第一件事就系睇佢有冇羊架同牛扒！！
帝苑的肉眼扒食落唔算劲韧，因为唔算整得太过熟，应该系五六成熟左右既程度。所以算易入口，唔会有太多血水令人却步，应该系大部分人都可以接受的程度黎！另外有三种酱汁配搭，烧汁/黑椒汁/芥辣，都系啲大路既酱汁！
羊架！！！！挂住食唔记得影！一啲都唔膻，而且个人比较钟意食带有小小肥肉的羊架，当晚见到既羊架都好肥美！！而且好入味，或者系焖煮的方法较好所以唔觉得好膻！
食完两样必食item后，就试左帝苑的烧味档！其实种类都算广泛，由中到西再到日式泰式都有！而且烧味种类都唔少！基本既叉烧，烧鹅，烧鸡，烧肉。再黎连卤味都有提供！！猪大肠，猪耳红肠等等！
听朋友讲，帝苑的海南鸡饭好出名，咁梗系要试！嗯，唔知当晚系咪有少少失水准，虽然鸡肉都算系嫩滑，但系冇咩味，饭亦唔算太香，冇咩想再食的冲动。
食晒呢啲野我先发现头盘的海鲜类，因为本身对蟹有敏感所以就冇食到长脚蟹！不过见到朋友食得津津有味！应该系唔错既！自己就试左翡翠螺，青口同蚬，不过不失，唔会太腥，但亦唔会不停encore。因为仲有好多其他特别既野食等紧我！！帝苑今期出左唔少同鲍鱼相关的菜式，例如要凭卷换领的酥皮焗鲍鱼，讲真，第一次食咁既配搭！松软的酥皮入面系原只鲍鱼，不过味道就有啲淡，但系几特别的。仲有鲍鱼锅巴，呢个真系好好食！一口的份量，锅巴好脆而且上面唔系鲍片，而系原只既鲍鱼仔！！食返几粒已经觉得回左本！另外仲有个日式鲍鱼冻派，哇呢个真系可以唔洗试。。。简直好似食左一旧油落肚咁！口感都有啲呕心，食到好济！！
至于日式野食方面，基本既刺身有三文鱼，吞拿鱼，油甘鱼，八爪鱼。而寿司方面最喜欢系烧三文鱼寿司！另外仲有几款日式小食，例如八爪鱼仔，螺肉，中华沙律。仲有一个摆到成条龙咁既加州卷，不过加州卷会食到太饱就冇试啦，同埋鲍鱼手卷，卖相都颇为吸引！
系日式摊档旁边有个海鲜粉面档！可以自选海鲜比厨师料理，可以单系海鲜亦可以加河粉，油面米线等。当晚见到觉得好吸引所以就要左碗河粉，加左蚬同珍珠贝，拣左冬荫功汤底，另外仲有清汤可以拣。拣好比厨师之后，佢会比个牌仔你过一阵拎返，个阵食食下都争啲唔记得自己嗌左碗粉...过左好耐去拎以为一定会淋晒，点知原来会等我去到先帮我加汤，好彩咋。。。如果唔系我应该都唔会食。。。值得赞扬！
最后甜品方面，蛋糕类都有好多选择下，纽约芝士蛋糕系我印象较深刻的一款。不过雪糕方面就有d普通，虽然系Haagen－Dazs雪糕，但因为冇咩特别既口味，都系朱古力，芒果，士多啤梨呢啲基本野，相对蛋糕款式而言冇咁吸引，所以就将个肚留比蛋糕啦！另外令我觉得好惊喜既系，竟然会有杨枝甘露呀！！！！而且做得唔差，唔会得劲少芒果咁！！好味！
总括而言，成个自助餐的食物种类丰富，味道系水平以上，某啲野食会令我带来惊喜，例如鲍鱼锅巴。呢个价钱可以系五星级食到个自助晚餐，算抵啦！！如果唔系因为要离港，真系想趁优惠期再去食一次呀！！
肉眼扒
60 浏览
0 赞好
0 留言
薏米沙律
83 浏览
0 赞好
0 留言
日式鲍鱼冻派
75 浏览
0 赞好
0 留言
卤味及烧味
96 浏览
0 赞好
0 留言
必备item:朱古力喷泉
67 浏览
0 赞好
0 留言
海鲜粉面档
77 浏览
1 赞好
0 留言
海南鸡饭
54 浏览
0 赞好
0 留言
法式面包
69 浏览
1 赞好
0 留言
冬荫功河粉
71 浏览
1 赞好
0 留言
张贴
