HABO室內釣蝦場 (已結業)

之前细佬好钟意钓虾，佢叫我哋闷闷地可以去试吓，有得食又有得玩，咁啱见到石门呢边有个钓虾场，于是乎就趁happy Friday同老公过嚟玩吓 🤩呢个钓虾场都几大，一开始店员好好心机教我哋点样钓，包括点样整好 d 饵同埋将佢勾好，钓嘅时候有啲咩注意，同埋真系有虾上钓嘅时候应该点样用力先，先至唔会吓走啲虾 🙈 就咁听就好似唔系好难，到真系落手落脚钓嘅时候就发现其实都几考技巧，首先要好有耐性等虾上钓，其实当中我哋有几次都有虾上钓，但系收杆嘅时候唔识用力，次次都吓走咗啲虾 😂 回到呢啲时候，店员就会好有耐性咁教返我哋应该要点样做；正所谓自己嘅晚餐要靠自己努力，钓唔到就冇饭食 😂 喺我哋嘅努力下，总算叫做有返啲收获 😆重点嚟啦，钓到嘅虾可以即整即食，佢有唔同嘅煮法，预设嘅系盐烧，亦都可以加钱试唔同味，今次我哋就试左营地酱油虾 😋 营地酱油虾开边烧嘅虾劲香甜，秘制酱油令到虾嘅鲜味提升咗，亦都十分之香口，虾头仲有啲膏可以食，劲满足 🤤秘制酱油鸡翼由于佢嘅酱油实在太好食，于是乎我哋又叫咗啲酱油鸡翼，呢个酱油汁咸咸甜甜咁，越食越好味，鸡翼只只都胀卜卜，又唔会太油腻，唔错 😋