入麵 (已結業)

晚餐包主食、面、饮品。姜母鸭（$90）姜母鸭汤底好正，唔油腻，有药材味但唔难闻，最后差唔多饮哂。鸭件都有十旧八旧，肉质软腍唔韧唔嚡。加$2转蕃茄汤面，茄汤几好饮。面份量多，唔淋patpat。珍珠奶茶，味道正常。回味酱骨架（$82）有三大旧及一只糖心蛋。酱骨架好入味，酱汁微甜少咸。虽然叫骨，但都有不少肉食，肉质虽然唔可以用软滑嚟形容，但都腍及唔嚡的。糖心蛋有流心效果。姜葱蒜捞面，面份量同样多，唔糊口。荔枝玉露，淡咗啲。PS：自助 scan QR code 落单。没有加一服务费。