Double Tree (已結業)

每个月都会同朋友饭聚，今次拣咗湾仔区。餐厅面积大，有卡位坐得舒服。今晚同朋友叫咗两个 dinner set，餐厅d set 选择好多，有焗饭、扒类、意粉等等。上菜速度快，唔使等好耐就有得食。地点易揾，门口有位泊车。龙虾汤 $38味道较酸，饮落唔似龙虾汤，但海鲜料好足。前菜:三文鱼凯撒沙律 $58份量适中，多菜爽口。三文鱼香芒沙沙 $58有唔同生果配埋，几开胃。主菜:金牌鲜菌焗猪扒饭 $98猪扒份量多，有5块左右，但口感过熟。蛋丝炒饭好食，杂菌、蕃茄汁同芝士份量好够，捞饭食一流。海盗烧羊脾扒配薯菜 $118孜然味好香，羊脾扒有2块，而且size 仲好大块，一个女仔食嘅会好饱。薯菜就有蕃茄仔、茄子、薯仔、豆角，配埋个汁好match。自家制甜品:北海道3.6焦糖布甸奶味好重，囗感够滑。纽约芝士蛋糕细细件，容易食，但芝士味唔太重，质感比较硬身。冻芝麻泡沫奶茶 $28一见到佢，即时觉得佢似肧芽好立克d朋友，可能热饮会好d，冻饮搅拌后饮落只有淡淡的芝麻味同未溶晒嘅芝麻粉，感觉有少少怪，奶茶就唔算甜。