Ocio (積存街) (已結業)

公司附近其实好多嘢食，不过成日食嚟食去都系𠮶几间，食到有啲闷闷地，放工约朋友去附近试吓西餐，Dinner Set大约百几蚊左右，唔算太贵。 入到去见到楼底都几高，空间感足，侍应安排带入座并递上晚餐餐牌，我地2个人叫咗黑松露烩意大利饭配烟肉带子串、安格斯牛柳配鹅肝（六成熟），餐汤系粟米忌廉汤，再配餐饮2杯。 黑松露烩意大利饭配烟肉带子串有两串烟肉带子串，煎得香，食落烟肉脆口，带子软身，口感不错！意大利饭不会有骨，黑松露带出层次感。 安格斯牛柳配鹅肝（六成熟）牛柳生熟度刚刚好，有牛味又唔会太鞋；鹅肝煎得内脆外软，如果能够配上法包更好，不会显得太油腻。