餃掂手工餃子雲吞專門店

放工约左女朋友食饭，但想食得健康又饱肚，我地就去左湾仔既饺掂手工饺子云吞专门店既湾仔分店。 佢既主打菜系饺子，所以我地叫左至尊松茸猪肉饺跟状元九鼎汤 (灼饺子，中碗有8只，HKD 72)。我地亦都试左韮菜猪肉饺加大白菜猪肉饺 (煎饺子，中碗有7只，HKD 46) 。另外，我地追加左韮菜猪肉饺加栗米猪肉饺 (汤饺子，中碗有7只，HKD 43)。至于小食要左蜜饯鸡翼(3只，HKD 22)，而饮品就要左热既山渣雪梨水 (HKD 20/杯)。先黎既系松茸饺同九鼎汤。松茸饺系灼既，饺子内面好足料，好多松茸。个九鼎汤好好味，而且无味精，饮落去个人好和暖，有提升免疫力，温肾益气同润滑肠道，非常健康。跟住黎既就系煎韮菜同白菜饺子，除左用料充足，煎得都好香口。不过个人钟意韮菜饺子，所以追加左，不过今次系汤饺子同拼栗米猪肉，味道都好好味。个小食鸡翼，味道甜甜地，好入味，系唔错既一道小食。而个饮品山渣雪梨水系热饮，可以选择一支，一杯或者一jar。我地就选择左一杯，都好大杯同埋饮落去个喉咙好润滑，正。