天ぷらまきの

营业中

休息中

呢度嘅《特选天丼》食材好丰富，总共有8款天妇罗食材，包括一个流心「炸蛋」，食到咁上下，夹开个蛋，蛋黄浆流出来捞饭食！相比起喺其他餐厅食嘅巨型天妇罗鱼，我比较钟意呢间唔同种类嘅细鱼块配搭，而且啲鱼都系比较嫩滑，有鱿鱼、鳗鱼、海鳗等等… 详细可以睇餐牌。而且虾喺大条，有口感，终于唔喺食炸粉（当然唔可以同日本食嘅相比）。虽然呢餐热气，但间中食到咁丰富嘅食材真喺好满足！《紫苏牛柳》真实个样同张相好唔同，但有份量4粒，都算合理。食第一粒牛果时，有一种好浓烈嘅味道喺口腔内，但唔系牛味，又唔肯定系咪紫苏叶嘅味道，唔知系咪炸咗后，味道会咁样。食第二粒时，味蕾就觉得食落冇咁浓烈，似乎食得出两者之间嘅合衬。