越一越南牛肉粉專門店 (已結業)

今晚收工约左朋友到荃湾食野,为左交通便利所以近近地系地铁站附近揾食, 最后拣左越一越南牛肉粉专门店。一入到铺第一样大赞的是个冷气, 在大热天时佢十分给力! 好快成个人都凉哂。今次叫左 香茅猪扒捞蒙:咁热完全无考虑过食有热汤既野所以就拣中左香茅猪扒捞蒙, 又系好稳阵既菜色如果咁都唔好食就唔会返转头再黎。呢间味道ok, 份量大, 猪扒合格。猪牛鸡串烧:其实串烧只要烧得香唔UN我就收货架喇, 最紧要既系佢既沙爹酱。呢间做得唔错, 好香口。大虾菠萝炒饭:呢个菠萝炒饭真系份量十足, 叫一个够两个人食, 上面有两只大大只既大虾, 又有D鱿鱼气好爽口一口就可以咬开, 饭底系炒过既, 配上樱花虾虾干少少咸但又多返D脆口, 加上菠萝甜甜酸酸的系夏天食好开胃。冻奶茶 同 冻柠茶:冻饮大大杯, 叫左少甜就真系少甜唔会走甜又或正常甜, 唔系间间餐厅既少甜会好似呢间咁岩我心水!