花漾

营业中

休息中

花漾宜家推出左晚餐menu，好抵食，一个价钱包主食、小食同饮品。肉骨茶配鸡油饭，肉骨茶汤头清香，肉质相当软腍，大大旧，将汤捞落油饭更美味，仲跟油条，吸汤食又系一流，小食叫左酸辣无骨凤爪，爽口，酱汁又惹味。综合牛肉汤河，食材丰富质量好，有生牛肉、牛展、牛肉丸，大大碗河粉又滑。小食叫左春卷，香脆馅多。之后为食既我地忍唔住叫左串烧(鸡肉)，鸡串juicy，同埋斑兰咖吔多士。牛油同咖央嘅比例几好，香滑又有斑兰香味。推出呢个餐真系唔错，份量够而且又可以试到D小食，餐厅系时代广场入面，行完唔洗周围走就有间舒适既餐厅，十分推荐。饮品都有得叫D特别野，跟餐叫左桂圆红枣茶同薄荷青柠梳打。