嚐囍煲仔小菜

营业中

休息中

今朝帮衬左一间喺坚尼地城嘅名店，除咗夜晚食煲仔饭大排长龙之外，其实佢啲点心都好出名，基本上都系要排队等位嘅。佢都有好多款点心俾我哋拣，但系得两个人食唔到咁多，最后喺咁多款点心之中筛选出四款，分别有叉烧包、牛柏叶、鹌鹑蛋烧卖同埋煎马蹄糕。佢呢度嘅鹌鹑蛋烧卖粒鹌鹑蛋啊系包埋喺烧卖皮入面，味道唔错，真系好耐冇食过，因为唔系好多地方有得食。姜葱牛柏叶又系细细个嘅怀旧味道，不过佢呢度嘅牛柏叶份量就比较少，下面托起牛柏叶𠮶啲萝卜就好大旧，最衰就系啲萝卜冇乜味兼唔好食。叉烧包都做得几靓，啲馅都唔错，有叉烧粒。煎马蹄糕就好似油咗少少，件糕嘅质素几好，马蹄粒好香爽。