美心香港地 (已結業)

今朝去了美心香港地食早餐，以茶记模式运作，环境不错，食物却停留在快餐水准。沙爹牛面，肉多，沙爹酱尚算惹味，但面底煮松晒淋晒，好彩无加 $4 要一丁，实浪费晒。奶油猪零脆感，拿上手唔热，摆到明老早整定，牛油涂得唔均匀，咬落去死实。炒蛋保住了美心快餐招牌，不止正值更年期，今次更是耆英级别，令人想食粒静心平衡下。奶茶仲死，茶酸味重，带涩，唔香唔滑，即使用黑白淡奶冲都于事无补，唔好即冲喇，不如比番杯老早调较好既奶茶我仲好啦。成个餐廿六蚊最入得口既系条肠仔，天啊，好难食！