利豐園韓國料理

营业中

休息中

又想试下未食过既地方，午餐价钱望落都系$40-50，就行入去试下。人就系犯贱大热天时都硬系钟意叫d汤锅跟饭😅其实呢个价钱望落有咁多野，感觉几抵食，个人觉得辣咗少少，盖过哂其他野，但系食咗就发觉一d都唔抵，佢个汤冇乜料，所谓既海鲜碎到夹唔到，只系见到蚬壳见唔到蚬肉，两粒得个圈咁样既鱿鱼，然后大部分系菜头果类食物，后面个配菜系午餐包埋既，多款又好食既～如果冇佢睇怕送唔哂碗饭🙈🙈，呢餐唯一合格既只系个碟配菜同杯热柚子蜜不过，望见其他食客食石头锅饭、汤面类既好似又ok㖞🙈我唯有说服自己拣错野。舖面望落干净，银餐具卫生ok，都坐得几舒服，系横街里面既舖头黎讲算系咁。