百份百餐廳 (明德商場)

营业中

休息中

今晚去坑口附近做运动， 做完运动见肚饿，都要食啲嘢嘅，就去咗明德商场嘅百分百餐厅， 我望下个menu， 其实选择都唔多， 就叫咗个杂扒餐。 杂扒餐有一块猪扒，一块鸡扒 ，一只煎蛋，一条肠仔，配薯菜，黑椒汁。饮品就叫左杯热柠水。 猪扒同鸡扒都过得去，煎得唔太㶶，冇雪藏味 ，都算几大块既 ，但系只煎蛋就唔得喇， 煎完放落块铁板度 ，有半只蛋白仲黐住喺个铁板度，根本食唔到 意粉又系痴实晒个铁板，仲有少少油冧冧要赞下嘅系个黑椒汁， 够晒辣味， 唔淡。 今晚唔算好多人 ，好快有位 ，另外见到佢menu话佢哋个咖哩饭系攞奖嘅，下次真系要嚟试下。