斗滾 (銀座38) (已搬遷) 新店位置

上星期食屋企人生日饭🎂，好多朋友仔都介绍斗滚，所以特登book位试下。座位位置比较狭窄，同后面枱都几近，店员又经常出入，坐得唔太舒服。1️⃣首先嚟嘅系鸡煲 (可任食)，一共食咗三煲，第一次叫小辣，因为未掌握烹调时间，所以肉质比较硬，但味道可以；第二次叫咗BB辣，煮得啱啱好，味道不错；第三次同样叫BB辣，完全没有辣味，没有鸡煲酱的味，完全不似鸡煲。2️⃣之后嚟系蒸海鲜，全部海鲜上都放咗蒜蓉。除了鱼同鲍鱼都算ok之外，其他都麻麻地，无鲜味，肉质好鞋。之前睇相见到有蛏子，但系无，觉得几失望🙀。3️⃣再嚟嘅系虫草乌鸡汤，非常足料，而且好够味道，应该冇味精，好好饮。🌟同时间，上咗象拔蚌刺身 (额外加钱)。咁多食物之中最好，好有鲜味，而且好爽口。4️⃣饮剩嘅汤会加鸡汤用嚟打边炉，手切牛颈脊+出面拎到嘅配料都可以任食，牛肉嫩滑，而且很重牛肉味，值得重复再叫，但其他配料一般，而且选择唔多。😼小熊私心评分：60/100价钱只系$328，仲有部份可以任食，但系只有汤同牛肉系OK，其他只系一般，坐得唔舒服，所以CP价唔高。