麵屋一京 (已結業)

深水埗新开拉面店！终于唔再系隐家 混乱 海老名个老细开，而系由面屋丸京同公司开，葵芳既面屋丸京非常出名，经常大排长龙，小弟排过一次，叉烧的确软稔，半熟蛋亦入味，豚骨酱油汤底都几滋味！所以趁新开张都黎面屋一京试下。原来同面屋丸京餐牌系一样的，唔知改过个名做乜。唔讲咁多，直入正题，招牌拉面$98剩系影左友人走葱个碗 我系无走葱既1.汤同面 同丸京味道相近 唔错。有得拣清汤同浓汤，个人觉得清汤已经好浓味所以唔会拣浓汤。2.招牌低温唔知点煮既叉烧，同丸京无得比！好鞋，好似食熏蹄咁，不过系无味既！3.半熟蛋系入味既 但入面系接近全生一啲都唔半熟！结论：要食都系去返葵芳丸京食啦，一京真系好普通，品质有差距，而且唔知系咪请晒新职员，啲侍应都几迟钝唔够主动同埋好快就收左你碗面，但其实出面已经无人等位。