博多拉麵別天神 (已結業)

港拉面喺香港都大大小小开左唔少， 好食嘅拉面呢系相当吸引嘅， 最近喺旺角山东街做开咗一间别天神，行过咁咪入去试下啰，呢间拉面用全自助嘅方式，即系话冇人service只要喺门口一部自助落单机自己落单，用八达通畀钱，罗住张单然之后俾工作人员佢就开始制作，然后坐低就等食 。都系同香港人追求快靓正嘅原则相同。我点咗一个别天神套餐 $105，坐低畀张单畀工作人员大概唔使十分钟左右就可以有得食。个面系卖相正正常常，有里面有拉面，叉烧，葱花，温泉蛋同埋黑木耳丝。 个面呢就普普通通，软硬程度适中，但咬劲不足，汤底也不过不失，有味，但唔算鲜甜，温泉蛋几好，有流心，但无酒味，味淋唔够，黑木耳硬咗少少， 叉烧肉味比较淡。整个面嘅味道都系中规中佢唔觉得好好食都唔觉得难食。 饺子就无谓再提，真系普通到不得了，不如去八方云集好食好多，个沙律都系冰冻嘅沙律，同一般薯仔沙律差唔多。服务一般，因为根本无服务，系全自助。环境比较狭窄，大门敞开，夏天比较热，感觉唔系值$105。