翡翠拉麵小籠包 (已結業)

今日lunch time黎到ifc食lunch，拣左喺2楼呢间翡翠拉面，ifc呢间分店都系第一次试。12点准时黎到，仲未需要等位，但过左10分钟，门口就开始多人排喇。我地2个人，叫左鸡丝粉皮、红油抄手、小笼包、同担担面。鸡丝粉皮好重麻酱味，食完有啲溜，令我冇咩胃口食其他嘢。而友人亦觉得粉皮太厚身，如果切薄啲会好啲。红油抄手就不过不失，云吞皮薄同好滑，涵料亦ok，配搭红油几好。不过，我略嫌佢冇炒蒜同唔够葱花，令到味道冇咁丰富。而且佢比较酸，可能煮嘅时候落左好多醋。之后就到食小笼包喇。小笼包唔好味，热就够热，但小笼包入面竟然系冇汤汁架，加上皮本身都几厚，搞到个皮好dry，我一啲都唔推荐食客去食。一间上海餐厅，连最出名嘅上海菜小笼包都煮唔好，令我有啲失望。令我满意嘅一碟𩠌系担担面。佢嘅汤底够浓厚，有好重麻酱味道，面亦爽身，软硬适中。佢同红油抄手一样，汤底有啲酸酸嘅味道，但系整体黎讲几好味。