好食雲南米線

营业中

休息中

午餐嚟到荃灣路德圍，同事推介食好食雲南米線，佢之前食過一個涼麵話幾好食，我哋就跟住佢去試下！餐廳裝修簡單，空間大，有多張檯，落單係用多項選擇紙，話明多項選擇，即係提供好多選擇，辣度由小辣到大都有得揀，不過有d令人花多眼亂！ 希望餐單可以再簡化一d會更理想！同事都叫左涼麵食，我就叫左個功夫麵，中酸辣，有酸菜，大腸，個湯味道略淡，酸多過辣，功夫麵煙軔，不過稍嫌份量少左d, 如果可以多返d會更好，大腸煮得稔，不過不太入味，酸菜幾醒神，另外同事叫左個炸醬一齊share , 咸咸地，都幾惹味，碗麵可以多返d味！