大渣哥茶記 (已結業)

想去食好多次，但系每次都见好多人 要等位，今日大约两点钟到见唔使等位，就入咗去食，座位比较迫。我哋二人叫咗黑椒牛扒蛋同埋鸡扒炒公仔面。鸡扒炒公仔面， 够镬气又大碟，好食。太大碟食唔晒。黑椒牛扒太阳蛋跟薯条，牛扒暖暖哋，唔系即煎，汁就热嘅，薯条就肯定即炸，热辣辣脆卜卜好好食。黑椒汁冇乜黑椒味，似烧汁多啲，牛扒全熟有少少嚡口。76蚊唔抵食。花园餐厅下午茶铁板西冷牛扒都系70蚊，包汤包嘢饮包餐包。总括嚟讲普通通冇乜特别。牛扒要再努力，我食咗两嚿就冇食喇。