天樂餐廳

营业中

休息中

同同事諗唔到食咩行過呢間見到lunch menu都幾多野揀就食呢間，又有西式野食又有中式野食。一坐底店員先上左餐包同餐湯比我地。都係普通味道無乜特別。不過佢啲餐包我見到有好多pack擺左係好近地下既櫃度，雖然係有包裝袋包住不過見到佢咁接近地下都覺得唔係好衛生🥴不過又諗每間餐廳都有衛生同唔衛生嘅問題，只不過係平時俾唔俾我哋見到😂我揀咗瑞士雞翼配飯，其實佢仲可以配意粉。一上菜忍唔住哇左一聲，啲雞翼洗唔洗咁大隻😂仲要有4隻！瑞士汁都足夠撈飯，仲有一對粟米伴碟。我反而覺得個瑞士汁唔夠甜，如果甜多少少撈飯食就一流🤤由於雞翼好大隻嘅關係我食咗三隻就食唔落😂下次都係揀其他嘢食試下😂