影片
更多
2022-07-12
409 浏览
本来无谂过写今次嘅食评，我系食完先睇睇评论嘅，哈哈哈~喺未评价食物前，真心想讲，睇食评好好睇㗎，只要留心就会发现有唔小笑位😂😂㗎喇。我睇咗食评咁多年，都有d心得嘅。我同openrice睇评论嘅人一样，睇得多，就一定知道点解同其中嘅奥妙，我唔讲明喇。讲返我先喇，差评or好评我都有睇。呢间铺头只有一个差评，咁我梗系先去睇下写乜嘢喇。我好用心睇㗎，差评话个鸡扒饭同西汤，话俾之前好评影响，食过就觉得质素麻麻，性价比唔高，好失望诸如此类等等。就咁睇都系一篇好大路嘅差评啫，无乜特别。（题外话，咁我真系试过见到d评论赞到间铺头天上有地下无，直情唔去帮衬系自己唔啱咁。试完又系另一回事，份量同相片差一大截不在话下，味道又一般。我唔系讲今次呢间铺头，系讲之前嘅经历，所以我了解俾差评𠮶个人嘅失望。）咁都要公平d，要睇埋好评嘅。喺差评无耐，就见到有好评叫咗同样嘅鸡扒饭同有其他人嘅评论，咁梗系要睇睇啦。笑位嚟嗱，嚟嗱~~一个话得三枱客人，一个就话见过好热闹，坐满人，夜晚仲要排队添，仲有评论话好有人气等等。一个话饭有d冻，一个话好钟意个饭。呢d似是而非嘅回应，睇到呢到当时我真心笑咗😂😂，忍唔住都要写返篇嘢发表下。
喺未评价食物前，真心想讲，睇食评好好睇㗎，只要留心就会发现有唔小笑位😂😂㗎喇。
我睇咗食评咁多年，都有d心得嘅。我同openrice睇评论嘅人一样，睇得多，就一定知道点解同其中嘅奥妙，我唔讲明喇。
讲返我先喇，差评or好评我都有睇。
呢间铺头只有一个差评，咁我梗系先去睇下写乜嘢喇。
我好用心睇㗎，差评话个鸡扒饭同西汤，话俾之前好评影响，食过就觉得质素麻麻，性价比唔高，好失望诸如此类等等。就咁睇都系一篇好大路嘅差评啫，无乜特别。
（题外话，咁我真系试过见到d评论赞到间铺头天上有地下无，直情唔去帮衬系自己唔啱咁。试完又系另一回事，份量同相片差一大截不在话下，味道又一般。我唔系讲今次呢间铺头，系讲之前嘅经历，所以我了解俾差评𠮶个人嘅失望。）
咁都要公平d，要睇埋好评嘅。
喺差评无耐，就见到有好评叫咗同样嘅鸡扒饭同有其他人嘅评论，咁梗系要睇睇啦。
笑位嚟嗱，嚟嗱~~
一个话得三枱客人，一个就话见过好热闹，坐满人，夜晚仲要排队添，仲有评论话好有人气等等。一个话饭有d冻，一个话好钟意个饭。呢d似是而非嘅回应，睇到呢到当时我真心笑咗😂😂，忍唔住都要写返篇嘢发表下。
就我所见，𠮶日我去到，三枱客人就冇咁小，但话坐满人要排队就唔需要喇，我一入去就有位坐嗱。我无去数有几多枱客人呀😝，只可以凭记忆讲约五枱左右喇。
咁其他时间入面系唔系好热闹同好有人气，我就唔知喇，因为每次经过我都无专登停喺度望入去。
讲开又讲，我去帮衬唔系因为庆祝生日或者有朋友睇完网上推介话俾我知等等原因，系因为纯粹近屋企。
如果我去屋苑餐厅食饭我都仲要排队，我就唔会排喇。住翠宁嘅人都知，屋苑外有闸嘅，理论上只系for居民先可以进入，当然无人check嘅，但一般唔会太多外人无啦啦走入嚟，所以去得屋苑餐厅嘅大部分都系住附近嘅人，我都系贪佢就脚，食完可以快d返到屋企。如果仲要大热天时咁企系出面排队等，我就唔会喇，我会帮衬其他铺头，因为附近都仲有其他嘢食。
仲有，发现唔小评论都好巧合咁话有束鲜花🤪。估唔到唔小客人都好细心㖞，因为我食嘢𠮶阵时又真心无去留意枱上有无花，我只系挂住食咋。
作为客人，枱面上有无花，对我嚟讲都唔重要，唔会影响我入唔入嚟帮衬嘅，我只系讲出作为客人嘅心态。
至于评论中嘅鸡扒饭，我无试过，所以我唔评论喇。
言归正传~我叫咗个手撕猪汉堡加薯条同西汤。八十八蚊加五蚊，总共九十三蚊。
汉堡除手撕猪之外，仲有配搭番茄同生菜，一般西餐嘅汉堡都系呢d配菜。但生菜就略嫌小咗d，有一块大d，一块细d。因为我钟意食生菜，私心会想多d。
比起其他评论汉堡嘅相，我呢个手撕猪应该算小。我见到其他评论话劲厚，d相嘅手撕猪多到“吱”哂出嚟，厚度有半个包咁又或者生菜亦唔小咁。
睇嚟我真系唔好彩，咁啱比较细份同小肉。
有图有真相，虽则我唔识摆得好好睇先影，亦无放系鲜花旁边影😂，但我绝对无P图㗎。
10 浏览
0 赞好
0 留言
至于味道，好难用文字去形容嘅，甜甜地咁，手撕猪味道话好惊艳又唔系，但面包小小“腍”，番茄同生菜就系正常番茄生菜。
薯条系最好，攞出嚟仲系热，刚刚炸好。
至于西汤又系笑位喇😂，俾差评𠮶个人讲到粟米西汤好淡咁，之后又有好评讲到粟米汤非常鲜。同一个西汤反差咁大嘅，系咪两个唔同厨师煮㗎。
咁我试过觉得一般喇，无特别，好差唔系，好好唔系。公道讲句喇，五蚊又唔可以要求太苛刻嘅，但我又唔会夸张到话值五十蚊嘅，如果我咁讲都系扼你啫。
薯条虽好，但汉堡整体普普通通，相对要差唔多成九十蚊嘅价钱食个汉堡包餐，唔太值，以食晏嚟讲偏贵，应该唔会再叫喇。
评心而论，出得去食嘢预咗比人赚，咁人地做生意一定系想赚钱㗎喇，无人蚀本都会做㗎，所以合理范围就得。例如一百蚊嘅餐，我唔会要求酒店嘅级数，如果我讲有酒店嘅质素，都唔会有人信我喇。
哈哈，我呢篇出咗后，会唔会好快就有篇更精彩嘅评论or回应或有其人客人比较好彩有大大份嘅手撕猪呢。😌
期待期待。
张贴
