影片
更多
2018-12-16
615 浏览
确罐虾，我地系食野唔抹嘴嘅拉拉屎战队。今日几位战士出去尖沙咀游云，当然唔会放过写食评嘅机会啦，所以即刻就SEARCH 有咩好西。望下望下就见到太平馆------一间久仰大名但又无试过嘅餐厅，就啦啦临一班人冲去……屎女人(黄)战士：个罗宋汤好浓，小小辣，几好味。系咁冻嘅天气饮啖汤，成身都暖哂。屎谂但(啡)、屎狗(白)战士：(点头、点头、点头)屎花(蓝)战士：但我个忌廉汤淡而无味，杰得黎又无咩忌廉味，一D 都唔好饮。屎谂但(啡)战士：除咗汤，我觉得餐包都好食。屎花(蓝)战士、屎狗(白)战士：系呀系呀！好松软！屎狗(白)战士：有少少不足嘅地方，就系牛油未解冻，放咗入个包都唔溶。至于野食方面......屎靓(红)战士：我就觉得所有野食都好普通，比以前差咗，有D名过其实。以咁嘅价钱，唔值得去。瑞士汁干炒牛河系OK，牛脷并猪髀饭，牛脷都够腍，但猪髀原先谂住原只上架嘛，点知得几片白烚猪肉，而且份量又少。（Overall 分数：７／１０)屎谂但(啡)战士：唔系丫，瑞士汁好食过李锦记。不过冷气有D冻。屎狗(白)战士：瑞士汁干炒牛河，唔油腻，好味。但有D 细份，份量唔系好够。（Overall 分数：8／１
今日几位战士出去尖沙咀游云，当然唔会放过写食评嘅机会啦，所以即刻就SEARCH 有咩好西。望下望下就见到太平馆------一间久仰大名但又无试过嘅餐厅，就啦啦临一班人冲去……
屎女人(黄)战士：个罗宋汤好浓，小小辣，几好味。系咁冻嘅天气饮啖汤，成身都暖哂。屎谂但(啡)、屎狗(白)战士：(点头、点头、点头)
屎花(蓝)战士：但我个忌廉汤淡而无味，杰得黎又无咩忌廉味，一D 都唔好饮。
屎谂但(啡)战士：除咗汤，我觉得餐包都好食。
屎花(蓝)战士、屎狗(白)战士：系呀系呀！好松软！
屎狗(白)战士：有少少不足嘅地方，就系牛油未解冻，放咗入个包都唔溶。
至于野食方面......
屎靓(红)战士：我就觉得所有野食都好普通，比以前差咗，有D名过其实。以咁嘅价钱，唔值得去。瑞士汁干炒牛河系OK，牛脷并猪髀饭，牛脷都够腍，但猪髀原先谂住原只上架嘛，点知得几片白烚猪肉，而且份量又少。（Overall 分数：７／１０)屎谂但(啡)战士：唔系丫，瑞士汁好食过李锦记。不过冷气有D冻。
屎狗(白)战士：瑞士汁干炒牛河，唔油腻，好味。但有D 细份，份量唔系好够。（Overall 分数：8／１０)屎女人(黄)战士：我就觉得河粉好有镬气，而且唔系碎湿湿，好有弹性，配埋瑞士汁，系好夹。粗粗嘅河粉上挂哂D 汁，好味！D 牛肉片偏少，都系一般松肉粉”LA” 过嘅肉。
屎狗(白)战士：瑞士汁鸡翼饭，鸡中翼有惊，因为连埋鸡翼尖。汁又好味，鸡翼又入味，成碟都几好食。（Overall 分数：8／１０)
屎女人(黄)战士：剩系鸡翼尖同鸡皮入哂味，鸡中翼入面D肉都系普通肉嘅色。唔够热，只鸡翼无鸡汁流出黎，D 肉亦煮得唔嫰，普遍茶餐厅级数。反而几钟意个梳夫厘，发得高，几有蛋味。加埋少少焦嘅外皮，令本身松软、滑嘅口感，加咗少少咬口。但剩系食梳夫厘个”心”的话，有D 甜。 （Overall 分数：7／１０)
屎花(蓝)战士： 睇见个梳夫厘就好开心，因为又大个，外型又吸引，感觉好满足。个甜度岩岩好，食落密度又几高。四个人或以上食，就唔会过食唔哂。拉拉屎战队CONCLUSION：瑞士汁系几好食，咸淡适中，带点甜，又小小杰。但价钱略贵，份量偏少，简单D黎讲系性价比唔高。如果谂唔到食咩，都可以去试下！
P.S.「屎花(蓝)战士：BTW，D 伴菜食得出几新鲜，而且杯咖啡都好香架，都不容错过啊！」
张贴
