大家樂 (已搬遷) 新店位置

經過一日既辛勞，食番個似樣既晚餐。一都唔過份既，唔知點解我同媽子會揀左黎呢度食。點都好啦，都只係一餐似樣既晚餐，呢度食都好既。選擇算幾多，只不過就貴左小小啦。菠菜野菌海鮮焗飯個餐仲包酥皮海鮮湯一客。個酥皮好脆口，浸落個湯到仲好食。而個湯都幾足料，個湯比較多既係魚，其他海鮮就唔多覺啦。整體上個湯都幾好飲，唔會太稠或太稀既。另外，個焗飯既份量頗多。而個汁似係普通既忌廉汁，味道尚算可口既。此外，海鮮都算幾足料。有蝦、魷魚、龍柳等等。值得一讚既，個炒飯底炒得幾爽。食落好有質感，始終對大家樂既焗飯有信心。蒸黃腳呢個係我媽子食既。個人黎講，對呢類蒸魚晚餐無乜特別既好感。不過呢次又出乎意料既唔錯，條魚既份量算係適中。而且魚肉都幾滑，呢樣已經覺得唔錯。媽子食埋半碗飯同飲埋碗例湯，已經飽到上心口。正式為呢頓晚餐劃上完美既句號。呢餐飯整體上都唔錯既，食物既質素預期之內。雖然價格隨食材價格上升，不過呢頭無乜好野食既地方。快餐店已經係唔錯既選擇，想食好野就留番放假先啦。