Mango X'press (已結業)

食完拉面之后，一心过黎食个冰，因为上次经过见到有个芒果冰几吸引。由于上次只系匆匆经过，冇留意过价钱，今次去到，见到原来个冰要成60蚊…喂，系咪我太穷？点解我觉得咁贵？呢间店冇得坐，要拎住食，真系唔舍得要俾60蚊一场黎到，谂住算啦点都买杯饮品，见到收银位置有几串茫果串烧嘅dummy，又觉得几吸引，所以都买埋。串烧芒果冰 $18买左之后即刻开黎相机食先，但发现可能雪得太冻，胶袋都痴得几实，所以拜托店员帮我地打开包装。18蚊黎讲大概有7粒芒果，唔算贵。不过味道一般般，雪到咁冻都明会影响甜度，不过呢几粒芒果食落冇乜味。蝶豆花芒果露 $26大热左一轮嘅碟豆花渐层饮料，拎上手都觉得几大杯~摇匀左之后，就变左呢种颜色，由于蝶豆花本身冇味道，所以都expect会系几重芒果味。点知…原来咁大杯都系梳打水，芒果味近乎冇…等于饮左咁大杯有汽冰水…番到黎打呢篇食评，先正式睇下店铺资料…乜原来呢度有咁多好评…我…真系觉得以上两款一般。