無麵不歡 - 中華私房粉麵 (已結業)

之前睇过佢介绍个条片，一直都想揾机会试，前几日终于都同男友去食喇。舖头位置好搞笑，系个窿入面，舖面比较细，7点几去到个时未洗等位。本身犹豫左好耐食螺狮粉定花甲粉丝，最后好似花甲粉丝特别d,都系拣左花甲粉丝。另外叫左一份蛋饺同排骨，男友就叫左个原创胡椒猪肚鸡面。本身想试埋三味爽脆鱼皮，但估唔到咁快无晒，想叫王老吉，又无王老吉，想话要杯水，又唔记得拎黎，无奈下叫左罐雪碧算。讲返d食物先，因为肚饿排骨唔记得影，但味道ok既，肉质还好的。蛋饺一份有5件，都算几香口，要趁热食因为冻左会标油，馅料食到有马蹄，口感不错。花甲粉丝个人觉得好一般，汤头唔系特别鲜甜，粟米唔算好甜，花甲同蚬正常，粉丝质感一般，不太爽口。叫左加辣，原来系一碟剁椒豉油，其实同普通豉油无咩分别。而男友叫既胡椒猪肚鸡面，胡椒味唔出，汤头偏淡，上海面还可以，食左旧猪肚唔un算系咁。一路食出面开始排紧队，睇黎宣传既功效明显，食到一半我地都掉左一次枱，就一就其他食客，其实唔系话介意，但客观黎讲觉得舖头摆位差d,变左要成日要客人调动座位。总体都好普通，唯一欣赏佢个辣椒油几香。