阿德廚坊 (已結業)

今晚去左阿德厨坊食晚饭。佢菜的款式有西式扒餐同埋中式小菜。见到佢厨师推介有一味菜叫橙花骨，睇个名唔知佢系来头，不过一向钟意尝鲜的我当然会试下 佢系一个餐黎的，仲包埋白饭同埋例汤，一共 HKD 56。等左大约5分钟就有汤饮。佢个汤又OKAY 㖞。系西洋菜南北杏汤，唔觉落左好多味精，仲有小小鲜味，唔够火喉，不过系茶餐厅都预左饮唔到有火喉的靓汤。再等多一阵就上小菜啦。原来橙花骨就系将啲橙+ 有橙味的酱料+ 排骨会埋一齐。呢味菜的感觉就好似系大型超市盒饭的小菜一样。啲橙酱唔会太咸，唔酸，有小小橙味。唔可以话呢个酱汁难食，但系又唔系好食。佢同排骨起唔到化学作用，有好多酱汁可以带出食材的鲜味，但系佢又唔得。至于排骨都正正常常，唔会煮到好干，入面都有小小肉汁。好正常的排骨味。今餐饭的实在太普通，呢只味平时行落街20, 30 蚊都买到，要俾笑脸真系俾唔落手，但系又未至于去到喊脸，只好俾个OKAY。至于服务就一般，啲服务生好似好忙。有时会见唔到你叫佢。