鐵牛台灣牛肉麵 (旺角中心第一座) (已結業)

同朋友们约食饭，先知道原来旺中仲有呢一层，有种好神奇同发现新大陆嘅感觉。由于落到去正值食饭时间，都需要等一阵先入到座。卤肉香酥排骨便当份量都算几多，最后我系食唔哂排骨，饭都好似剩咗少少。对女仔而言，呢个便当同人share可能比较好。呢款有3样前菜，卤蛋、生菜同一碟应该系腌制类食物。卤蛋口感偏硬同干身，生菜就正常，味道偏淡。卤肉饭几好食，肉脂唔会太肥，亦唔算太油。香酥排骨就香口治味，热辣辣酥脆金黄，但食多几旧好快滞。珍珠奶茶普普通通嘅珍珠奶茶，珍珠好硬，完全唔烟韧。饮过其他珍珠奶茶店嘅珍珠奶茶之后，真系接受唔到呢杯嘅口感，完全食得出系雪得太耐。可能叫其他无珍珠嘅饮品会好啲。