椰粉湯紅 (已結業)

呢日接完女朋友放工后，同佢去左附近既一间小店试下。当日去到其实得一枱客，而且一坐低就已经讲左好多炖汤都卖晒，一开始对佢印象麻麻地。另外就系呢间餐厅上错出奇地慢，客已经唔多，但大概都起马要等半粒钟以上，先后见两至三个客叫外卖都不停催促，甚至话取消某样单，可见而知上餐时间真系有几慢。不过好彩既系，食物既味道都唔错，我地叫左个竹丝鸡海南鸡饭套餐同鳗鱼蛋包饭。海南鸡既鸡好干身，鸡似不浓，但系饭配埋个酱汁都几好食，饭有淡淡椰香，酱汁少少辣都几惹味。蛋包饭既鳗鱼最令我喜欢，大家平时食既鳗鱼都系偏淋身，但呢到既烧鳗鱼系好弹牙爽口，口感同出边好唔同。但系就细旧左少少....而且摆盘事但到放两件粟米系上边，真系唔系几知几谂咩......不过粟米就几甜既！不过套餐包既汤佢好似唔记得左咁..要我提佢先记得比我地。不过可能系开张无耐挂，感觉上觉得服务唔系咁好同埋等餐时间真的太耐，唔饿都可以黎呢到等下既！完。