亞坤 (已結業)

有次夜媽媽同朋友係港島跳完舞搵宵夜食，就搵到呢間樓上舖。兩個人嗌左咖喱喇沙蝦面，咖椰牛油多士，同埋一杯tiramisu coffee。買野食係自己出去買既，然後就會比個感應器你放上枱面張貼紙到，咁職員就可以送野食去你枱啦。雖然唔知咩原理，但幾得意既！咖喱喇沙蝦面個湯幾濃唔錯，唔會好辣，材料都好足，兩個人食宵夜既份量share岩岩好。佢冇宵夜價，冇跟餐野飲，所以杯咖啡就另外加啦要。咖啡上面既奶泡好厚，奶泡打得唔算細滑，有好大既進步空間。但tiramisu味好足，入口唔怪，都冇遮左咖啡味，除左奶泡，杯咖啡係幾好既！最後既咖椰牛油多士，個多士太焦，有少少苦澀味，咖椰都唔算好多，所以就好似食緊普通牛油多士咁。牛油係凍既，冇咩點溶，如果多返d咖椰同溶少少牛油一定會更好！