Chopsticks Fork n Knife (CFK) (已結業)

今日男朋友嚟黄竹坑揾我食饭，黄竹坑呢几年想发展做高级商厦区，附近餐厅食野偏贵，闲闲地食一餐都要百几蚊。我地嚟左One Island South楼下嘅Chopsticks Fork n Knife，一点几去到好彩仲有位坐，不过就要搭枱，啲位仲系喺门口，有啲逼，环境嚟讲就一般啦。****************🇰🇷泡菜猪肉豆腐锅 首先系男友既韩式汤饭。锅入面有豆腐、泡菜、菇、翠玉瓜同埋猪肉片。值得一赞既系汤底够浓，唔系水汪汪，带少少辣，非常开胃，本来跟餐既汤冇乜饮过，依个汤就饮左大半碗。不过以百几蚊个既午餐黎讲份量就有啲少，猪肉只有4、5块簿簿的，连其他配菜既份量都唔多，虽然味道唔错，但依个份量真系唔满足。食物既成本从来都唔高，其实可以足料啲😢。🍱炒辣鸡便当再嚟系我点嘅便当，相对汤饭嚟讲抵食少少，有前菜、主食同甜品，鸡柳份量多，唔会太辣，配饭开胃，但饭量有啲太少，女仔嚟讲唔系好饱。泡芙就普通啦，如果有做大福/布甸/雪糕就好了😆。