影片
更多
2015-11-20
1925 浏览
话说中同小聚揾饭食，见到有食友于社交网站写得好好，突然又想食糖醋面，所以就二话不说推荐这店，同学们都无反对下就订位了。那天晚上，其实还有很多位，订位......应该唔驶的。可能系第一次光顾的关系，无乜心水，d心水都系睇食评果d，睇左一阵菜单，侍应就推荐我地叫套餐，望落都ok，有猪肺炖汤汤、有白灼虾（我地仲加$120转芝士龙虾伊面底）、有碌鹅，额外再加2个小食同一定要食的糖醋面。先到 -- 猪肺炖汤，同台的一致认为麻麻，饮致少少酸味 ，同学话煲得好的猪肺汤系唔会咁。之后就到青瓜脆肠 呢个好味，d生肠真系好爽口，点芥末食一流。小食 2 - 芝麻菠菜我个人比较喜欢爽菜 ，呢度都做到，是冷盘。芝士龙虾出场都算几厚肉，个汁好creamy，食多几啖会滞啰，不过系带有芝士味的，好彩转左，我估食白灼虾会好........斋，可能我地都系重口味之人。碌鹅，其实乜野系「碌鹅」？望下幅相就知.....系咪好似卤水鹅呢？初初都以为系，食落口都好似，后来望返墙上贴的杂志介绍 : 「碌鹅」是客家菜，师傅先将鹅身煎至金黄色，再用磨豉酱、南乳、香料调味，将鹅放入酱汁慢慢碌来碌去，碌得越耐越上色入味，然后煮约1小
那天晚上，其实还有很多位，订位......应该唔驶的。
可能系第一次光顾的关系，无乜心水，d心水都系睇食评果d，睇左一阵菜单，侍应就推荐我地叫套餐，望落都ok，有猪肺炖汤汤、有白灼虾（我地仲加$120转芝士龙虾伊面底）、有碌鹅，额外再加2个小食同一定要食的糖醋面。
先到 -- 猪肺炖汤，同台的一致认为麻麻，饮致少少酸味 ，同学话煲得好的猪肺汤系唔会咁。
之后就到青瓜脆肠
呢个好味，d生肠真系好爽口，点芥末食一流。小食 2 - 芝麻菠菜
我个人比较喜欢爽菜 ，呢度都做到，是冷盘。芝士龙虾出场
都算几厚肉，个汁好creamy，食多几啖会滞啰，不过系带有芝士味的，好彩转左，我估食白灼虾会好........斋，可能我地都系重口味之人。碌鹅，其实乜野系「碌鹅」？望下幅相就知.....
系咪好似卤水鹅呢？初初都以为系，食落口都好似，后来望返墙上贴的杂志介绍 : 「碌鹅」是客家菜，师傅先将鹅身煎至金黄色，再用磨豉酱、南乳、香料调味，将鹅放入酱汁慢慢碌来碌去，碌得越耐越上色入味，然后煮约1小时，再斩件上台。
望完呢堆介绍，系咪觉得好吸引？可惜.......当天所食的鹅肥得要命，成碟的比例系「肥」多过「肉」，都唔知食梗乜？而且食唔到d南乳、磨豉酱味，所以这碟鹅也较为失色。
最后上的糖醋面
等了一晚就系等这面，煎得金黄色兼脆口，沾上醋和糖，令人回味 。基本上，除左碟鹅同碗汤，这餐饭是ok的，可能我地懒唔想谂食乜，所以就中左招挂.....
张贴
