影片
更多
2019-06-04
214 浏览
First things first: * 好多塑胶餐具唔太环保* 拉面本身冇配糖心蛋，要追加* 价钱平，杂锦鱼生饭抵食热辣辣嘅天气好想食消暑冰凉食物，我哋两个人就拣咗日本餐做午餐。首先讲讲佢嘅地理位置，位置都有啲格摄，我哋由朗屏西铁站行过嚟，大概行左10分钟左右。铺头入边有大概10几个座位，当日餐厅唔系好多人，中午12点几到达坐咗一半客人。好肚饿，好快就决定叫一个杂锦鱼生饭、一个炸饺子拉面追加糖心蛋同3片日式叉烧、同一分芝士年糕。杂锦鱼生饭嘅鱼生份量比我哋想像中多，可以见到几乎铺满个碗，但系饭份量就好少，筷子一督就督到底，就算配埋沙律同埋面豉汤，男仔都未必够食。几欣赏佢哋嘅Wasabi系磨制，唔系间间日本餐厅都有呢个心思。拉面方面，佢嘅炸饺子食得出系入货，唔系自己整，味道普通。日式叉烧就每一片叉烧都薄身，比较估唔到嘅系我地食到旧叉烧有烧过嘅味道，香，呢样野系成餐饭嘅亮点。糖心蛋蛋白嘅部份系白色，唔系用酱油浸出嚟𠮶种啡啡地色，只蛋冇乜味。一开始谂紧追唔追加糖心蛋嘅时候，我哋问过店员拉面上面有冇跟蛋，店员回答要睇当日存货，如果当日糖心蛋足够师傅就会送，不过我哋去个日佢就话唔够。其实拉面上
* 好多塑胶餐具唔太环保
* 拉面本身冇配糖心蛋，要追加
* 价钱平，杂锦鱼生饭抵食
热辣辣嘅天气好想食消暑冰凉食物，我哋两个人就拣咗日本餐做午餐。
首先讲讲佢嘅地理位置，位置都有啲格摄，我哋由朗屏西铁站行过嚟，大概行左10分钟左右。铺头入边有大概10几个座位，当日餐厅唔系好多人，中午12点几到达坐咗一半客人。
好肚饿，好快就决定叫一个杂锦鱼生饭、一个炸饺子拉面追加糖心蛋同3片日式叉烧、同一分芝士年糕。
杂锦鱼生饭嘅鱼生份量比我哋想像中多，可以见到几乎铺满个碗，但系饭份量就好少，筷子一督就督到底，就算配埋沙律同埋面豉汤，男仔都未必够食。几欣赏佢哋嘅Wasabi系磨制，唔系间间日本餐厅都有呢个心思。拉面方面，佢嘅炸饺子食得出系入货，唔系自己整，味道普通。日式叉烧就每一片叉烧都薄身，比较估唔到嘅系我地食到旧叉烧有烧过嘅味道，香，呢样野系成餐饭嘅亮点。糖心蛋蛋白嘅部份系白色，唔系用酱油浸出嚟𠮶种啡啡地色，只蛋冇乜味。
一开始谂紧追唔追加糖心蛋嘅时候，我哋问过店员拉面上面有冇跟蛋，店员回答要睇当日存货，如果当日糖心蛋足够师傅就会送，不过我哋去个日佢就话唔够。其实拉面上面𠮶只糖心蛋系我会期待嘅环节，佢本身无配都有啲失望。至于佢嘅芝士年糕亦都系普通，冇惊喜。
整体而言我觉得间餐厅冇乜特别，普通嘅平民日本餐厅。有样野唔系太钟意就系佢好多餐具都系用即弃塑胶，例如点鱼生嘅豉油碟，唔系太环保。讲左甘多，其实间餐厅都有优点嘅，胜在够平。如果冇乜特别要求，净系想食日本野，呢间都可以系一个选项嚟。
张贴
