金記冰室 (康怡廣場北座)

营业中

休息中

同肥B喺康怡行街，行到两点几，脚又倦肚又饿，就谂住求其揾间茶餐厅食个tea，估唔到咁多人排队......等咗超过30分钟先入得去！等位嘅途中，我哋见门口有个张贴写住扫个QR code就可以预先点餐，我哋见咁肚饿就即刻用手机扫QR code点咗餐先，完成点餐后会出现 "请保留此号码，入座时告知职员” 嘅字句。一入到去坐低咗，我哋即刻比个条码职员睇，点知个职员话用条码嘅过程比较复杂，所以要重新帮我哋再用人手落过单......(咁就唔好贴个QR code出嚟啦😓)我叫咗个招牌鲜猪润通粉配西煎双蛋及牛油多士，餐茶我拣咗冻柠茶。开始食第一啖通粉，觉得个汤底几特别，佢加咗纪子，出奇地清甜（餐牌上嘅图片系无影到纪子嘅🤔），但系食到猪润时，觉得又薄又嚡，而且干而无味，感觉似系之前用完嚟淆汤嘅汤渣咁，同餐牌上嘅厚切猪润幅图相差好远🤔！多士比正常㶶咗少少，牛油少到好似无搽咁，但还可以接受，双蛋煎得唔够透，亦唔够香，中间嘅蛋清都未熟，系透明嘅......😕呢个餐嘅价钱系$59(冻饮另加$3)，整体嚟讲食物质素同价钱都普普通通😯！