影片
更多
2010-01-25
5 浏览
想食泰菜，如果返工会特登收工去九龙城食，但系今日放假，于是行去附近求其揾一间食，咁就出事啦！７点钟，唔知点解啲人咁早食饭，平时７点手先开如周围要等位咖嘛，今日７点已经要等，不过等咗两三个字就入枱。虾：唔系我哋叫0既，枱枱坐低，都屈你要一客，成为$10，人人有份，永不落空，但竟然系全部嘢最好味𠮶样。飞天通菜：唔够味，唔系唔够醎，系唔够飞天！泰式猪颈肉：原价$38，特价$28。猪颈肉ok0既，但啲酱味道劲怪，我觉得似蕃薯味，男友话似酸梅味，唔知点解无叫生虾，又有碟生虾酱，攞来点猪颈肉，反而夹啲。泰式炒金边粉：$45，普通啦，大碟，两个人食，有啲滞。明炉乌头：$138，特价$118（无乌头，取消）拼盘：无鸟头，改食拼盘，４拼－－炸虾饼、炸鱼饼、春卷＆串烧，其实好贵，大:$158，中:128，小:98，我哋叫咗个小0既，等咗好耐无来，催佢，再等好耐都无来，一定系漏单啰，漏都算啦，咁催你就好快啲上啦，仲要我哋等，跟住唔等叫佢取消，佢仲好意思话整紧，我哋睬佢都傻，都系唔要，埋单。东亚信用卡八五折，中银９折，我用东亚埋单，$125。食唔饱，但唔想再干等。叫佢加茶，又系劲慢。服能度唔系差，不过超慢。嘢
７点钟，唔知点解啲人咁早食饭，平时７点手先开如周围要等位咖嘛，今日７点已经要等，不过等咗两三个字就入枱。
虾：唔系我哋叫0既，枱枱坐低，都屈你要一客，成为$10，人人有份，永不落空，但竟然系全部嘢最好味𠮶样。
飞天通菜：唔够味，唔系唔够醎，系唔够飞天！
泰式猪颈肉：原价$38，特价$28。猪颈肉ok0既，但啲酱味道劲怪，我觉得似蕃薯味，男友话似酸梅味，唔知点解无叫生虾，又有碟生虾酱，攞来点猪颈肉，反而夹啲。
泰式炒金边粉：$45，普通啦，大碟，两个人食，有啲滞。
明炉乌头：$138，特价$118（无乌头，取消）
拼盘：无鸟头，改食拼盘，４拼－－炸虾饼、炸鱼饼、春卷＆串烧，其实好贵，大:$158，中:128，小:98，我哋叫咗个小0既，等咗好耐无来，催佢，再等好耐都无来，一定系漏单啰，漏都算啦，咁催你就好快啲上啦，仲要我哋等，跟住唔等叫佢取消，佢仲好意思话整紧，我哋睬佢都傻，都系唔要，埋单。
东亚信用卡八五折，中银９折，我用东亚埋单，$125。食唔饱，但唔想再干等。
叫佢加茶，又系劲慢。
服能度唔系差，不过超慢。
嘢食唔系难食，但又完全讲不上好味，系超普通。
啲嘢食咁普通，但系价钱一啲都唔普通，完全唔合乎经济原则，仲唔make sense。
无下次。
张贴
