麻浦韓國料理 (已結業)

外出食饭好多时都拣韩烧，今次黎到尖咀呢间Mapo，原先book左位，但去到都要等20分钟，加上店内冷气唔够，就算坐喺店内等都出哂汗，幸好店员送左2罐梨汁俾我地下火 (爆)坐低马上order，因为好肚饿啊！小碟选择唔多，有kimchi、酸青瓜、柚子汁沙律等等，因为唔太吸引，所以都冇影相，只影左呢碟沙律咋 (￣∇￣)相比其他韩烧店，Mapo份量比较细1d，两个人食份量还好，3人食要叫多d啦！今晚烧乜？ 一定有我至爱五花腩啦！烧完点麻油淮盐最perfect，旁边系加左kimchi碎既蛋浆，食到唔记得左佢，所以蛋熟哂冇咁好味 -_-#其实我对牛舌一般，薄切还可以，厚切就唔洗预我啦！呢碟薄切牛舌有点膻味，不过唔系太膻，可以接受，但系有筋啊！真系痴筋，扣哂分。当然唔少得腌过既牛牛啦！全晚最好味呢个架啦！牛味偏淡，腌料唔算浓，不是死林既口感，加埋生菜一并塞入口都几好味，但我觉得可以再好d啰。最后方死蚀底怕唔够饱，叫多个炒粉丝，味道偏甜，粉丝亦好弹牙，喜欢佢配菜多增加爽口感，多蔬菜感觉上亦健康d嘛 (笑)总结，食物质素一般，出面有更好选择，食过一次后短期内唔会返兜。