愛吃家常便飯 (已結業)

有朋友来电，咗电视介绍话湾仔有地方Ｄ炸子鸡皮好脆，想试吓！ 就话OK订位，并订虾禾米炸子鸡同猪肺炖汤。 夜晚去到，订咗位都等咗十几分钟，可能电视效应；真系坐无虚席〈我地都系〉 坐低后，想叫佢地上咗先订嘅汤同鸡先，点知就话个炖猪肺汤唔够身，叫我同朋友点过其他𩠌菜，但第二位人兄又送咗煲汤出嚟！咁系咪玩先，之后话系第二枱嘅，果时真有Ｄ起火，算拉，叫第二样嘢食，点酥炸生蚝又沽清，蚬同鱼都无，最后叫咗个胡椒虾煲。 好快个虾煲上枱~好香，个胡椒虾整得好干身，仲同石头㶽上~够热，粒粒胡椒，同干冲加上系用中虾仔，食落Ｄ虾肉好爽，一赞！ 到个主菜~虾禾米炸子鸡出场，原只鸡比你，之后再有人同剪刀帮忙剪开上枱，见都想食，食落去Ｄ皮真系好脆，肉亦都够味又滑~正！虾禾米炒得好干身，配落鸡度好好！再赞就系碟度有个蒸格响度，鸡身有血水都唔会留响Ｄ鸡同饭度！好有心思。食完好饱，仲有碗~马蹄露，唔太甜，整得几好，应该用马蹄粉开。两个人埋单275蚊，无茶位无加一！