板長壽司 (創紀之城五期) (已結業)

今天约左"海洋公园姐姐"和胖蕉一起晚饭，因为海洋公园姐姐刚刚去完新加坡旅行，比D手信我，所以我们约系胖蕉是日下班场所，观塘集合。系APM真系唔知有咩食，胖蕉话刚刚经过有间板长咪去是但医饱个肚算了。一入到去都唔洗排队，好快就有位，个位近厨房既，刚刚是3个人的位，海洋公园姐姐面对胖蕉，我面对通道，好奇怪的坐法。先来一样的点寿司方法，也是个PAD笃笃下，点左一轮，都好快上菜，侍应也好勤力咁一碟碟收我们的吃完的碟。其实今次都系点鹅肝、甜虾果D，有试下新野就系酱汁烧三文鱼寿司，见佢有特价所以点了每人2件，味道上不错的，不算很咸，仍然都有三文鱼的口感，但有一点腥，因为有鱼皮，所以表面都有嚼口感。还有北寄贝寿司终于有特价了，味道算是普通，但平时吃价钱贵。本身绝对唔会点的刺身拼盘，今天见人多点左个，我觉得就真系麻麻，D冰太快融，变相水浸鱼生，令鱼生的口感变得怪怪，但系螺肉是第一次吃的，很爽口，味道算是鲜。他们送了一碗仔海蜇，味道不错，可是有点稀。