和記餐廳 (已結業)

每一两个星期都会叫一次和记外卖自取，虽然系员工态度同食物质素都普普通通，但因为疫情下无乜选择就叫多左。之前都有一个后生仔好好礼貌外嘅，其他人都系普通茶餐厅既面口，所以唔系好明点解Openrice咁多人话D员工伙计好好...可能我唔系熟客挂...有次用App叫左两个午餐，20分钟后落到去，阿老板娘定收银员话我个Order俾人拎错左，而对方个Order就留左系铺头度，问我介唔介意？ 佢都无解释返人地果两个Order系咩，又无理我果两个餐本来系饮咩，咁我当然问清楚。阿老板娘定收银员先俾张单我睇系咩，其中一个系猪扒都OK但另一个餐系牛柳，咁我就解释返我地唔食牛。阿老板娘定收银员果一刻仲口up up话：唔知拎错果个人会唔会拎返落嚟......好彩有个楼面姐姐帮口话：拎返落嚟都唔要啦。😅 佢先话写返另外一个餐俾我地同埋帮我地换返两杯冻饮，我讲完之后，阿老板娘定收银员好似听唔清楚咁，最后叫我自己行去同水吧讲...好彩最后帮我跟单 （即之前帮口个姐姐）都有同我跟返足，亦有话唔好意思。w赶时间，先预早系App叫定，夹时间落去拎，点知最后都系要等...