泰道 (已結業)

同屋企人一行十二人揸车嚟西贡玩完顺便夜晚食饭，事先订好咗位。黎到嘅时间大约下昼6点钟，黄昏时间，因为呢一日天气唔热，所以向店员要求坐室外。生虾刺身系我全餐饭觉得最好食嘅道菜，所以encore咗一转。口感好弹牙，配搭嘅汁水亦都好开胃好好食，连老婆都食得出话啲虾好新鲜，同埋我觉得比较同平时喺泰国餐厅食唔同嘅一样嘢就系个口感好厚身，所以食落口咬都几下觉得几creamy.呢个烧牛肉，中规中矩。椰汁饭亦都系冇乜惊喜，事关食得出入边啲海鲜冇事前腌制过，当然明白本身呢啲都一定系啲急冻食材，但如果有腌制过，食落会好啲。*****. 一行12个人食咗$2500左右，但系坦白讲成餐饭，满意嘅嘢唔多，因此其实都冇影晒全部嘅相，只系因为醒起呢度嘅服务员水准好参差。有啲后生嘅都几殷勤，反而有个年长小小嘅又未去到阿叔嘅，就服务态度好差，完全系街边茶记嘅水准，所以先忍唔住得三张相都要写返个食评。