Penthouse (已結業)

同老死庆祝生日，拣左呢间有夜景嘅米芝莲餐厅，过返个浪漫嘅夜晚。餐厅位于铜锣湾金朝阳中心顶楼，餐厅当晚有公司包左一个角落，好彩都被安排坐响落窗边。 餐厅环境舒适，枱与枱间唔会太迫，唔会有局促感，倾计都唔会被骚扰，又唔会骚扰到人。先点左两杯饮品，我拣左杯signature cocktail 'i m sexy and i know it'，卖相一流，粉红色上又有玫瑰花碎，感觉真系好sexy，酒味唔会太重，vodka中带有淡淡柠檬香味，又靓又好飮。餐厅先提供左免费嘅香草酱面包，面包香脆内软，配上香草酱，酸酸地，开胃非常。我地两人先点左一份starter， Deviled crab cake，蟹饼绝对系承意十足，啖啖蟹肉，煎得香脆可口，配合三种不同酱汁，酸辣，香草，芥末，每一款汁都同蟹饼十分配合，可口又唔会油，绝对系食过最好味嘅蟹饼。龙虾尾下配上蕃茄酱汁，再配有一粒粒似是年糕，原来系薯仔蓉同面粉制成嘅，口感有少少似上海年糕，有薯仔味，配合蕃茄酱，好好味，最值得推介嘅系龙虾尾，鲜甜无比，一D雪味都无，应该系新鲜龙虾。 喜欢嘅系看似平平无奇嘅露笋，side dish系少有餐厅用嘅大条露笋，又嫩又