Babacio (已結業)

户外座位正正对住大馆，黄昏时间入座可以睇到日与夜嘅大馆。深木色枱凳+太阳遮+小灯饰+各种植物，感觉好似去咗度假，不过夏天坐户外一定出晒汗，要取舍了😂*Babacio $288叫得Babacio一定系招牌必拣！薄饼饼底非常薄、好湿润，带淡淡麦香、焦香。饼边厚身烟韧、有嚼劲。配料有基本嘅番茄酱、mozzarella芝士、番茄干。18个月巴马火腿带咸香，切开burrata芝士，半流心好creamy，口感丰富又好食。Calzone $218薄饼饺子焦香味比薄饼重，面饼比较厚，入面包住大量拉丝mozzarella芝士，仲有一层层cotto ham熟火腿、蘑菇。蘑菇味比较重，火腿咸香比较弱。Funghi tagliatelle $198意粉偏向腍身，白汁有黑松露酱+两种芝士Asiago cheese, granna padano，酱汁好杰好杰，有种说不出港式白汁嘅味道。配料有牛肝菌、蘑菇，但菌类未够香，仲有令人可恨嘅青豆。