龍璽酒家 (已結業)

星期日早上好好天，蓝天白云，想同爸妈去饮茶，突然间想起龙壐，可以饮茶之余欣赏埋风景。不过无预早book位，都担心无位，即管打去试下啦！11:30先开茶市，但十点几已经有人接听电话，实在太好啦！职员话分两个时段，11:30-1:00和1:15-2:45，第二段时间仲有位！✌️差不多1:15到达，酒楼门口企左条人龙，原来大家系订左位等安排入坐。差不多等左成10分钟，我地被安排到门口旁既房里面坐，房里只有两张枱，非常宽敞。张枱很大，足够坐12个人，所以我地8个坐得好舒服！实在好满意！👍👍👍点心既选择不算多，有些点心系3件一客，但系就可以比我地按人头叫，好贴心！我地总共叫左8款点心，虾饺烧卖当然唔少得，仲有叉烧包同流沙包、带子肠同叉烧肠、萝卜糕同埋海鲜春卷。点心嘅质素算系几好，不过啲肠粉就差左啲，唔够出面酒楼既好食。除咗点心，我哋仲叫咗冰烧三层肉，热热地，块皮非常香脆，旧肉肥瘦适中，好好味！不过份量太少啦！每人分完一旧都差不多食晒啦！另外，我地仲叫左个得奖既生拆海虾西施泡饭。呢个泡饭既汤味道几够鲜同浓郁，合晒我食炮饭既要求。分量方面，泡饭都算几足，分到8碗，每碗都仲有大半碗添！虽然食饱饱，但系都