蘭香麵家

营业中

休息中

今日路过兰香谂住入去食碗面、叫左碗冬菇面，好快就黎到，一碗四只冬菇。食左两啖面、睇到只冬菇、咦！好似比人/动物咬左一啖咁既？ 心谂可能煮果时咁啱甩左边啫，揾多一只又系咁、再揾又中，全部都崩口既☹️无理由四只冬菇四只都咁啱崩口挂！叫收银姐姐黎、谂住同佢问下、点知唔问犹自可，一问把鬼火，佢睇都唔睇下、就话煮果时崩左啫、眼尾都无望就走左。我同佢讲，一只半只都算、你只只冬菇都系咁点合理？ 收银彩都无彩你、走番去同煮面姐姐倾偈、话只冬菇煮崩左好出奇咩！ 大家睇相自行判断系比野咬左一忽、定好似收银阿姐话斋煮到甩左。最后、煮面姐姐见我无食响度玩电话、主动同我讲换两只比我（咁大发慈悲心四只换两只）。好，又睇下你系咪只只冬菇都煮得崩口先，煮面阿姐放低果两只完好无缺。一碗面值四十大洋唔够，你话你煮到只菇劲到崩口崩到好似咬过咁，我见识少，都真系出街食左几十年饭第一次见。唔该唔好侮辱香港人智慧，咪以为个个出街食饭都唔识煮野食。 一间贴晒明星食家招牌既食店，居然讲得出呢番说话。 我不嬲都唔写食评，奉行好嘅一餐唔好嘅又一餐，但今次实在太激气！咬过既都比人食？仲有下次？不了！不了！