暌記潮州飯店 (已結業)

因为有个朋友系新蒲岗附近玩枪，佢楼下就有间潮州打冷，叫暌记，咁我地去试下啦！我地叫左个卤水大拼盘，但系呢个拼盘又唔可以拼鹅片，但系我地又好想食㖞，唯有另嗌啦！呢个大拼盘值得一赞！因为佢有样野好正，就系佢既墨鱼片喇！佢做到非常爽口，好有味，唔似平时出面唔知食左d咩冇咩味果只。真系非常非常好食！拼盘入面有鹅肠，红肠，芽菜，卤水豆腐同大肠既，每一样野都好出色！连红肠都好好食㖞竟然！因为佢既精髓就系佢豉油做得非常之好！佢个卤水就系带甜，本身我都好钟意食甜d既汁，所以我觉得好好食！不过鹅片就麻麻喇，都几鞋下，虽然佢几薄，但系食完会有渣，not good not good。朋友热烈推介我地食蚝仔粥同炸蚝饼，呢个蚝仔粥好足料，一煲入面有好多蚝仔！加埋d肉碎又真系好好食㖞！好鲜味，完全唔洗加胡椒粉。个蚝饼炸得好松脆，仍然都系好多蚝仔好足料！不过因为d粉浆吸哂d油，我觉得比较油腻。最后紧系要整返个菜，叫左蒜头炒A菜。炒得好好，好有获气，条条都会挂到少少清汤。唔会太油同太咸，炒得非常之好食！最后叫左炒沙芋，炒沙芋姐系将糖同一条条既芋头一齐炒，炒到芋头熟哂为止。你睇到佢个样可能会以为佢好甜，但又唔系㖞！拎起