丼吉日式吉列豬排專門店 (彩星集團大廈) (已結業)

之前同朋友去过沙田嘅分店，今日就嚟咗尖沙咀呢到呢~因为喺楼上铺，所以铺面都好大，有好多枱呢，不过夜晚出街食饭都喺打定电话book定枱啦~今次我哋点咗特上刺身盛合，带子好鲜甜，而三文鱼都比平时嘅日本餐厅厚身。嚟到吉列专门店，紧喺唔少得食吉列嘅嘢食啦~店员上菜嘅时候都介绍咗唔同嘅酱汁，要先磨芝麻之后再落猪扒汁，而碟上嘅椰菜丝就可以沾紫菜汁同柚子汁。吉列薯蓉同吉列猪扒定食都热辣辣，好正呀！平时炸嘅食物都会觉得好油，食完一两嚿就停手，而今日嘅猪扒炸到外脆内嫩，我同朋友都好钟意呀~我哋仲叫咗白桃梳打，今餐食得好丰富呀！