翠榮雞煲火鍋

营业中

休息中

胡椒猪肚鸡煲大辣，其实只系叫老板娘比多碟白胡椒粉我自己加啫，原来佢地系用生胡椒粒自己礳粉架，所以味道持别香浓。鸡煲可以 order 半只或一只鸡，今次食佢一整只 ﹗我最鬼钟意就系食鸡架喇，每年我一个都起码食 100 只啦 ﹗胡椒香辣暖胃又驱寒，好好味啊 ﹗辣由内辣到外，温柔地慢慢系胃度辣到全身，额头、背脊都出汗，爽 ﹗浸熟既鸡肉非常嫩滑又 juicy，仲完全渗透胡椒香味，好醒胃，食极都唔厌，好好食呢 ﹗滑牛，又嫩又滑有牛味，不错不错。鱼腐，好好好味 ﹗索晒所有汤既精华，里面滑溜溜、外皮咽韧带咸香，正 ﹗竹笙同金菇都系菇菌类，大路普通无问题，竹笙劲爽又索汤汁一流。因为已经叫左一只鸡煲，又得两个人食，所以唔 order 咁多野喇，食唔晒又浪费架喇。