影片
更多
2018-12-08
3951 浏览
今日喺旺角放工， 近登打士街，通菜街行都咁上下揾嘢食， 有一段女人街系咁掘路， 行另一方向见到有间食石锅烧手打乌冬， 我哋好耐冇食手打乌冬， 即刻入咗去。店舖小小， 有啲日式居酒屋嘅风格， 除咗乌冬仲有特式蛋包饭，串烧 ，石锅饭等等。。坐低就送上一杯暖水， 服务殷勤。招牌嘅手打乌冬 或其他食物都用剔纸仔方式，方便清晰。鲜活蚬石烧手打乌冬，拣咗鱼介豚骨浓汤($78)底。上台嘅时候热辣辣劲滚起， 够晒feel。 先至佢嘅汤底， 唔算好浓稠但非常清甜，有鲣鱼汤嘅， 加入了豚骨汤所以颜色不会乳白色。大蚬肥美鲜甜， 冇沙，浸喺热汤中劲美味。乌冬当然系又滑又弹牙仲带少少烟韧， 热辣辣咁食真系好enjoy， 食到最后都keep 到热。个friend拣咗"安格斯牛肉石烧手打乌冬" ( 黑蒜豚骨汤底)。 都系滚热辣上， 生嘅安格斯牛肉 一浸入汤就变熟， 要肉质软嫩就要快快手夹啦。 热汤上面仲有啲小麦草同樱花虾， 口感丰富且令鲜味提升。加咗一份韩式泡菜小食， 醒神开胃!加钱配饮品--热朱古力 和苹果绿茶。 热朱古力味道稍胜。最后店员更送上精美嘅和果子作甜品，so sweet小店用心煮出令人回味嘅手打乌冬
今日喺旺角放工， 近登打士街，通菜街行都咁上下揾嘢食， 有一段女人街系咁掘路， 行另一方向见到有间食石锅烧手打乌冬， 我哋好耐冇食手打乌冬， 即刻入咗去。
店舖小小， 有啲日式居酒屋嘅风格， 除咗乌冬仲有特式蛋包饭，串烧 ，石锅饭等等。。
坐低就送上一杯暖水， 服务殷勤。
招牌嘅手打乌冬 或其他食物都用剔纸仔方式，方便清晰。
鲜活蚬石烧手打乌冬
$78
76 浏览
0 赞好
0 留言
鲜活蚬石烧手打乌冬，拣咗鱼介豚骨浓汤($78)底。
上台嘅时候热辣辣劲滚起， 够晒feel。 先至佢嘅汤底， 唔算好浓稠但非常清甜，有鲣鱼汤嘅， 加入了豚骨汤所以颜色不会乳白色。
大蚬肥美鲜甜， 冇沙，浸喺热汤中劲美味。
乌冬当然系又滑又弹牙仲带少少烟韧， 热辣辣咁食真系好enjoy， 食到最后都keep 到热。
安格斯牛肉石烧手打乌冬
38 浏览
0 赞好
0 留言
个friend拣咗"安格斯牛肉石烧手打乌冬" ( 黑蒜豚骨汤底)。
都系滚热辣上， 生嘅安格斯牛肉 一浸入汤就变熟， 要肉质软嫩就要快快手夹啦。 热汤上面仲有啲小麦草同樱花虾， 口感丰富且令鲜味提升。
加咗一份韩式泡菜小食， 醒神开胃!
加钱配饮品--热朱古力 和苹果绿茶。
热朱古力味道稍胜。
最后店员更送上精美嘅和果子作甜品，so sweet
小店用心煮出令人回味嘅手打乌冬
张贴
