Just Eat (已結業)

天气寒冷，当然想食返啲热辣辣嘅食物， 约了朋友在 佢公司附近， 喺6点钟之前食返个晚餐。自从西营盘站开通之后， 西环越嚟越多食肆， 而且仲有半山扶手电梯非常方便， 啱晒我同朋友，最钟意静静地， 唔使逼可以静静地叹番餐。扎肉鸡丝金边粉热辣辣香喷喷金边粉， 烟烟韧韧米香味十足， 扎肉弹牙香口， 鸡丝分量颇多， 汤底清甜美味。芒果蟹柳脆脆米纸卷， 仲有我最钟意嘅蟹柳， 如果芒果份量再多番少少就更加好。香茅牛肉越式法包法包外皮脆卜卜， 香茅牛肉肉味香浓 又充满香茅味， 加埋腌红萝卜白萝卜， 酸酸甜甜好好食。柠檬薏米特饮柑桔酸梅特饮咁冻嘅天气，嗌咗两杯暖笠笠嘅特饮， 真系真材实料。柠檬薏米， 柠檬清新香甜， 超多薏米😍😍。 柑桔特饮滋润喉， 啱晒而家干燥天气。